IKKJE EI KRONE MEIR TIL DET PALESTINSKE TERROR-REGIMET!
Norge må slutta å gi store pengesummar til dei såkalla palestinske områda så lenge styret der er mellom dei verste regima i verda når det gjeld lygn og undertrykking av eigne innbyggarar!
Sanninga er at ein ikkje kan tru på noko som helst av det som dei palestinske styresmaktene fortel til oss i Vesten. Det meste er gjennomsyra av lygn. Og når enkelte av innbyggarane prøver å gi eit sannare bilde, vert dei utsette for straff!
Ein rapport som kom for få dagar sidan, slår fast at palestinske media på den såkalla Vestbreidda (Judea og Samaria) og på Gaza-stripa har vorte utsette for eit aukande totalitært press som i stor grad har utrydda ytringsfridomen!
Freedom House, ein ikkje-statleg organisasjon som fremjer fridom og demokrati rundtom i verda, rangerte Vestbreidda og Gaza (si presse) som «ufri» – på delt plass med Vietnam.
Israels pressefridom er derimot rangert som den beste i Midtausten og Nord-Afrika og hamna på 64-plass i verda totalt.
At det finst israelarar som ope kritiserer eiga regjering, er eit teikn på eit sunt samfunn. Det er berre litt synd at norske Israels-hatarar innbiller seg at israelarar sin kritikk av Israel er mykje meir å tru på enn andre, meir patriotiske, utsegner.
Av dei 66 landa og territoria som vart peika ut i undersøkinga som ikkje å ha ei fri presse, var dei verste syndarane Syria og Iran (90), Cuba (91), Eritrea (94), Usbekistan (95) og Nord-Korea (98).
Også menneskerettsgruppa Amnesty International gav nyleg ut ein fordømande rapport som klaga både PA (Palestinian Authority) og Hamas for å ha lansert ei undertrykking av pressefridomen dei siste månadane.
Tala støttar opp under Freedom House si vurdering: Frå juni i år har PA arrestert 16 journalistar og stengt dusinvis av nettstadar.
President Mahmoud Abbas godkjente nyleg ei lov som legg store bøter på alle som kritiserer PA på internett. Bøtene varierer mellom $1400 og $4200, hevdar Amnesty.
Situasjonen er verre i Gaza, der ikkje-statlege organisasjonar har registrert 20 hendingar sidan begynninga av året. I juni vart to journalistar arresterte og eit dusin gazarar vart arresterte på grunn av kritikk dei skreiv på Facebook.
Eit eksempel på angrepa på ytringsfridomen ser ein i arrestasjonen av menneskerettsaktivis Issa Amro og journalist Ayman Qawasmi. Dei vart arresterte etter at dei på Facebook bad president Mahmoud Abbas om å trekkja seg (han har site i posisjonen sin langt over tida). Amnesty kallar arrestasjonen av Amro for «eit skamlaust åtak på ytringsfridomen.»
Det er ikkje berre nyheiter frå samtida ein ikkje kan tru på i dei palestinske områda. Dei har heller aldri kvidd seg for å tilpassa historiske fakta til det som til ei kvar tid stiller dei sjølve i det beste lyset. No hevdar ein del av dei at arabarane ættar frå kanaanittane, det folket som fanst i «Palestina» for tusenvis av år sidan, før israelarane kom dit.
Det er innlysande kvifor dei kjem med slike påstandar. Det finst ikkje grenser for kva Palestina-arabarane er villige til å gjera for å koma i ein best mogeleg posisjon i den pågåande konflikten mellom dei og landet Israel.
Det er og velkjent at lærebøkene til Palestina-arabarane ikkje viser at Israel er eit eige land. Dei lærebøkene som altså er utarbeidde med støtte frå Norge (og andre), er altså meir usanne enn dei lærebøkene som for ein del år sidan var i bruk.
Boikott lygn- og terror-regimet til Palestina-arabarane!
